哥哥添飯•妹妹泡茶

Open Now

Now Closed

天氣咁好，踩單車入大埔周圍搵好嘢食。呢間主打台灣菜。天氣熱熱地我叫咗拌麵。佢嘅麻辣鴨血就正常口味。值得推介嘅係蝦卷同埋送嘅兩粒花枝丸，好彈牙，好好食。鹽麴雞啲雞好滑好入味。碗飯已經撈咗醬油，再加隻煎蛋喺上邊，真係冇得輸。望到隔籬枱叫牛舌，已經諗定下次想試埋佢嘅厚切牛舌飯。午餐包一杯凍黑糖珍珠奶茶。踩單車之後熱熱地，飲番杯涼透心嘅珍珠奶茶，好爽。間餐廳裝修好新淨，裝修主掉用白色加橙色，令到環境好光猛清新，坐得舒服。服務員嘅態度好好，我對辣有問題同要求，佢都會好細心為我解答同解決。呢度值得俾個讚👍🏻。