亞蘇爾 (新城市廣場) (Closed)

新城市呢間澳門菜成日都有唔少人排隊，香港真係唔多澳門菜。今日買外賣返屋企食，餐廳做緊抗疫優惠，外賣一人餐及主餐牌自取八五折，二人及四人餐自取七折。叫咗葡式烤乳豬$198。烤乳豬新鮮整起，乳豬皮夠脆，豬肉幾香，又林。唔會太肥，肥瘦適中。另外仲有配菜，翠玉瓜、菠蘿等等。折後只需$168.3，平時出去食呢個最少$200-$300。另外葡撻折後$11.9一個，外賣買二送一！葡撻有蛋香，撻皮酥脆。外賣包裝得幾企理，相當唔錯。