三星台菜食堂 (新城市廣場一期) (Closed)

次次經過都人山人海，今次竟然成個商場星期六晚都冷清清。最近示威遊行，的確影響各大小商戶不少。一直想試好耐，今次有機會啦，帶埋老公同仔仔一家三口入去試試。「珍寶三星麵」聲稱二人份量，其實兩個人都食唔晒。出乎意料沒有坊間其他餐廳嘅湯底那麼濃味。雖然湯底比其他餐廳清淡，但有回甘感覺，食得出係真材實料。本人比較喜歡這個湯底，濃而不「陋」，不會太重味精而且不會有超級飽滯感覺。值得一讚係牛展，件件都非常嫩滑入味。另外非常欣賞服務員態度，十分殷勤，有禮。