Cocolo Tokyo Cake Factory (利東街)

Open Now

Now Closed

夏日熱辣辣唔想行出街，所以如果搭地鐵都會行隧道出口，前幾日行過灣仔利東街地底嘅時候見到一間甜品店，見到有呢個日式甜品心喐喐就入咗去，舖面雖小但五臟俱全，有蛋糕亦都有批，而且都有兩個位畀客人坐低喺度食，喺門口見到佢嘅標牌寫住係招牌係日式青森蘋果批($33)所以就嗌咗一個嚟試，除此之外都嗌咗一個梳乎厘芝士蛋糕($25)，見佢都有唔同嘅嘢飲有波子汽水或者都有咖啡，不過就諗住都係食甜品就算，先講梳乎厘芝士蛋糕，凍冰冰嘅濃郁芝士配上軟淋淋海綿蛋糕，甜度適中，確實係消暑良品。然後試一試佢嘅青森蘋果批，佢哋放喺一個電熱爐入面保溫，所以食嘅時候都唔會變得凍冰冰，呢個批嘅酥皮層次好分明，而且好脆口，脆到有唔少碎碎都跌咗落自己件衫度，酥皮表面都係甜甜地，去到戲肉就係佢嘅青森蘋果肉，當中蘋果嘅唔會太甜，而且亦都有酸酸味味，食到真正蘋果味，蘋果亦有爽甜口感，所以食完個批之後唔會覺得好肥膩，除咗入面有青森蘋果肉之外亦都有吉士醬，濃密嘅口感可以加分，三樣嘢加埋都唔會覺得好肥膩，下次再去嘅時候會食下其他嘅蛋糕。