Season Plus (Closed)

今日去咗上環區度做嘢 做咗成日好熱好攰 所以就同朋友一齊入去呢間season plus嗰度食飯 可能我哋早到嘅關係 所以入到去都冇乜人 但係就感受到餐廳嘅高級氣氛 又有啲油畫掛喺個牆身 非常之有格調吉列大蝦 炸得外脆內軟 炸粉就唔太厚 我覺得都幾正之後就叫咗個生蠔拼盤 有精選生蠔 法國生蠔同埋南非生蠔 法國生蠔最大隻 有差唔多成隻手板咁長 好厚肉亦都富有海水味 南非生蠔就稍為淡咗少少 但係都好新鮮爽口 精選生蠔就最經濟抵食烤焗海鮮拼盤 好豐富 有波士頓龍蝦 大蝦 扇貝等等 全部都好新鮮 龍蝦都用上好濃沃嘅芝士擺落去焗 食得好開胃 啲海鮮都焗得好脆口 十分正羊西冷 牛西冷就食得多 羊架都食得多 但係羊西冷就真係好少食 呢個西冷肉味好濃 肉汁豐富 又唔太蘇 我本身好鍾意食羊 非常之滿足 朋友本身唔多食羊都食咗幾嚿 一致好評