瑪拉小廚 (Closed)

依間野有唔少好評，於是小羊寶寶就訂左位星期六晚去試，一去到，間舖不大，都好多人，咁arm又有一張係成班人去（十個左右），出唔到台，經理老虎仔kashi好親切咁同我地講唔好意思要等陣。座低左叫野，芒果沙律、豬肋骨半條、四季薄餅，雜錦鐵板。本以為份量唔多，二人叫四道菜，但完全錯估，食到好飽要打包，小羊幾鐘意沙律個酸汁，豬肋骨就甜甜地但不算漏，鐵板雜扒都不錯，烤得少少乾身剛好，而且食到肉味蝦味，但我地個位大風，吹涼左差少少，一上即食好應該好正，仲叫左個雪糕芝士蛋糕甜品。個蜂密乳酪奶昔都好好飲。要一提經理老虎仔真是個好親切，原來寶寶串通左老虎仔俾個意外驚喜小羊，仲播埋自選冧歌。言談間聽得出佢既真誠 ，希望大家去食野都有點良心，佢分享左的低水準食客既行為，例如放飛機唔取消（仲訂果陣話要特別慶祝，攪到人地花時間畫隻碟），又有的橫蠻人R折頭，其實小羊寶寶覺得依個分量依個水準唔算好貴，4-6人去食比較好。二個人細食基本上只食到二三個菜已經好到肚。