沙嗲王 (眾安街) (Closed)

沙嗲王其實喺香港都好多年㗎啦，但係香港分店都唔算話好多，都係只有10間左右，有好多區份都無，今日我落去荃灣行街，下午茶時間就想試吓好耐冇試過嘅沙嗲王，咁耐冇開估唔到而家轉左好多新野，例如俾個QR code你落單可以減兩蚊，都節省左好多人手，同埋仲有個新嘅菜單就叫做滑蛋豬扒飯，我女朋友都係照舊叫咗個輕量級嘅白咖喱豬扒飯，好快就到啦滑蛋豬扒飯$42有飲品，份量都幾夠，隻蛋都好味，值得一試，白咖喱都係依然照舊好味，但我本人鍾意沙嗲汁多啲 ，至於塊豬扒真係唔錯，唔會太鹹，咬落好淋，咁多年水準都無變，好味，唯獨是要加一嗰度感覺唔係幾好，因為計落單都係自己落已經冇乜服務可言，仲要加一，總結來講味道唔錯，價錢還可以但要加一。