泰式海南雞

Open Now

Now Closed

趁着星期天假期，去了居住在石籬的朋友。午餐吾想麻煩開爐煮，朋友話想試下街市新開的一間海南雞飯外賣店。雖然只是一間街市外賣小店，不過供應種類也很多，絕對不比一間餐廳遜色，除了有飯、湯粉和撈檬粉、泰式小食和沙律亦有，也有冬陰功湯，更有泰式火鍋添。最後點了一個海南雞飯、泰式豬頸肉飯、泰式香葉生菜包、香草魚餅沙律。《海南雞飯》（$42），做緊精選優惠只需$29，真心益街坊，超值又有驚喜。有雞味、嫩滑、汁香，油飯一樣又香又軟，抵食！《泰式豬頸肉飯》（$50），賣相實在太靚及用心製作，超多豬頸肉蓋滿飯盒。豬頸肉肉質爽口彈牙香噴噴，食到完全不能停口。《香草魚餅沙律》（$35），吃咗當去咗轉泰國，食到泰國嘅味道，汁醬味道配埋香脆魚餅，正！《泰式香葉生菜包》（$42），選了中辣，肉碎加入香葉，超惹味，生菜新鮮清洗乾淨乾爽，一點也絕不馬虎，食落又清甜爽脆又香辣惹味，過癮！雖然只是街市一間看似普通熟食店，但食物味道質素高，用心機製作絕不馬虎！好味值得支持及推薦！