池記 (Closed)

今日同朋友係德福廣場行街，行完有D肚餓，經過池記見到有下午茶餐只$35，便選擇咗呢間，即時有位，但都大部份枱坐滿，知客姐姐帶位話要搭枱，我地話冇所謂啦，好快立即有侍應姐姐幫我地落單，我選了豬手麵配薏米水，朋友點了雲呑河粉和豆漿，食品好快就到，朋友的雲吞河粉超大碗，有4粒雲吞、河粉超多，我的豬手麵就細碗D，但份量都唔小豬手有3件，麵底份量剛好，朋友話雲吞蝦肉爽口彈牙，河粉夠滑，豆漿味道夠濃唔太甜好味，我既豬手南乳味香濃淋度適中，麵夠爽口彈牙，薏米水有蜜棗和薑一齊煲，味道特別好味，$35真超值，有意外驚喜，下次會再嚟。順帶一提此店服務唔錯快靚正。