越好吃 (Closed)

呢間係長沙灣既越南菜外賣店門面細細，但都幾多人黎羅外賣。同老闆傾開，知道入面個大廚原來係越南人，仲喺越南米芝蓮餐廳做過十幾年。老闆話佢地八成既食材原材料直接空運自越南，包括扎肉同香料，絕對係地道食材及煮法。我今日食左： 🔶️越式手工扎肉法包（$42， 9／10） 一定要趁熱食！個法包勁脆勁香，入面有自家製醃蘿蔔，肝醬同蕃茄醬，個味道酸酸甜甜，勁好味！同埋好欣賞佢既札肉，唔會好似出面街買既咁焾咁散，絕對有咬口。個法包絕對有喺越南時食既味道。🤤 🔶️串燒牛柳粒跟秘製汁（$46， 8.5／10） 牛肉味好濃，咬落好有𑁻口好香，老闆話係用果汁醃既，所以味道好自然。 🧋芒果青檸汁（8.8／10）老闆話係皇牌飲品，係用新鮮芒果汁整，再加越南青檸，好清甜好開胃。好好味啊！ ✏️總括而言，真正地道同好高質既越南小店，喜歡！