越北牛肉粉專門店

Open Now

Now Closed

OT完剛好係太安樓附近收工，就當然約埋同事食埋個晚餐先返屋企，同事就帶左我去越北食個越南菜。餐廳光線好足，空間感都大，所以坐得都係舒服嘅。食物方面都有好多選擇，有湯麵、飯、小食…仲有得一人火鍋添。我地叫左兩個湯麵套餐，先嚟升級左兩杯特飲- 薄荷青檸梳打同埋三色咸檸七。兩杯飲品都唔錯，解渴一流。同事就嚟一碗 越北生牛肉湯河，係店中招牌之選。同事話個湯底味道濃得嚟又唔會咸，半生熟嘅牛肉夠嫩滑，而河粉都好滑身，亮點就係加少少魚露酸甜汁一齊食，即刻令到整碗湯河升級晒，酸酸甜甜超開胃。我就係蕃茄蟹肉扎肉蝦丸湯檬，濃郁嘅蕃茄湯底已經好吸引我，入口仲好鮮甜，而入面仲有鮮甜嘅蟹肉、彈牙蝦丸同埋有咬口感嘅扎肉，再加埋爽口嘅檬粉，唔我口味…大愛。