4號烤吧 (Closed)

喺西環，唔太熟悉呢區，肚仔餓，要覓食，咁就亂咁行吓，發揮冒險/探索精神，行吓行吓，行咗入呢個小商場，見到呢間餐廳，面積一啲都唔細喎，有午餐食，有啲興趣，咁就決定入去試吓😆有幾款麵底可以揀，揀咗 $12嘅「出前一丁」，每款餸由 $10 至 $18 不等，揀咗「柱候牛筋腩、金錢肚、香煎豬扒、雲吞、午餐肉、油麥菜」，湯底都有五款可以揀，揀咗「麻辣湯（+$3）」🤩等咗大約5分鐘，碗麵就嚟到😋，大大碗睇落非常豐富🤩基本上全部餸菜都幾好味，麻辣湯底又唔係好辣(不過見到有好多花椒粒），幾啱我胃口😋比較突出嘅有「金錢肚」，有牛味有咬頭🤩「午餐肉」厚切😋仲要咗個「無糖可樂（+$6）」😋