辣辣屋

Open Now

Now Closed

今晚同男友聯和墟睇完戲，就係附近搵好西食。見到呢間專食辣野同烤魚，又有串燒，岩哂我地口味。佢烤魚標榜係用嫩滑江團魚，仲保證烤魚平均重量川1kg！都只係298 其實價錢好超值，係我食過咁多間最足秤，佢有好多口味選擇，由於男朋友食唔到太辣，所以要左冬陰功口味。由於即叫即制，店員都有好禮貌地提示返需要15分鐘左右。我地就先點串燒頂頂個肚，要左蒜香燒茄子，呢個係串燒必點，原條好大條，充滿蒜香，好惹味。仲要左燒魷魚筒同燒蠔，魷魚筒勁巨型份量，岩哂多人分享，兩人食好夠多。終於個重頭戲烤魚登場，已經散發出陣陣冬陰功味，成條魚超級大條，好足料，絕無偷工減料。烤起後啖啖肉，魚肉勁滑同只有一條大骨，岩哂我呢種懶人。入面都有勁多蔬菜配料，我地點了蔬菜拼盤，索哂啲冬陰功湯十分濃味！推介必點水果茶，又係勁巨型，呢餐飯夠哂超值，都只係五百左右。