日船章魚小丸子 (Closed)

有時假日下午茶唔知食咩好，我都會去東港城買下小食，其中日船係我最愛，日船冇記錯應該係台灣而唔係日本既，而對比起日本同台灣既章魚燒我鐘意台灣好多，原因係之前係大阪食左幾次街頭章魚燒好冧，一咬落去成舊爛哂之餘仲要痴埋一舊，用牙籤好難吉黎食，個陣食完我仲好掛住香港的日船。一盒六粒小丸子要18蚊，如果套餐就加野飲23-30蚊左右，我今次就點左珍珠奶茶加一盒小丸子做下午茶，小丸子既汁分別係照燒汁，蛋黃沙津牆，芥辣醬等，有哂三種醬都就已經好好味，加上日船小丸子外皮夠脆，咬落去都唔會一舊爛哂，而杯珍珠奶茶我嫌佢過甜了。