MOS Burger (Closed)

2008/10/26 (日) 7:00pm，我和女友在旺角行街後，女友提議食MOS Burger。今次我地都係第一次去食，我們每人各叫了一個B餐，我點了摩斯芝士漢堡、北海道薯餅和可樂。摩斯芝士漢堡有好多汁，塊牛肉唔會好似老牌漢堡包店咁乾，塊蕃茄幾厚，醬汁幾清，幾好味。而薯餅都非常好食，不會太多油，原來入面唔單只係薯仔咁簡單，仲有其它材料的。至於女友就點了黑醋SakuSaku雞肉漢堡、蝴蝶蝦和可樂。雞肉漢堡都唔錯，很香口，醬汁都幾清幾好味，而蝴蝶蝦都不錯，整隻都係脆卜卜，連蝦尾都可以食埋。不過全場最差應該係杯可樂，冇乜氣，又唔夠可樂味。