捌拾胡同 (Closed)

琴日係尖沙咀行街，行完cotton on,一出後門，就見到有兩間小食店，一間就係傳統個啲食肉蛋燒賣（我已經食到怕），咁另一間就係食串燒，門面細細但俾人感覺係乾淨。門口有兩個坐位，已經俾人坐左，所以我都係企係度食。我幾鍾意個坐位，令到成個感覺好日本feel.講番野食，我同朋友岩放工，有少少肚餓，就嗌左兩串雞串，一個麻辣味，一個燒汁味，兩個都勁香勁野味！（兩串夾埋$22）仲有個茄子！最好味係個茄子！燒出來仲係紫色！唔係黃色梅梅爛爛個樣～勁考功夫！加上個味粉，超好味！$15！其實點解菜係貴過肉類呢？我唔明。不過唔使明啦！好食就得。