永合成餐廳餅店 (Moved) New Location

今日黎左依到,係朋友帶我黎既!當然由佢話事食咩,首先佢就叫左一個大家都非常鍾意食既蘿蔔糕!好快就黎到,煎得非常靚既蘿蔔糕,賣相夠哂吸引,,但係一夾既時候就發生奇怪既事,軟到夾唔起點算好呢,唯有慢慢夾喇,不過佢個表面煎得非常香而且都脆,個蘿蔔糕入口即溶,唔太有咬口,蘿蔔絲就比較少,食落唔太夠蘿蔔香,不過腊腸就反而有多少少,整體味道都算唔錯既,之後就係依個即叫即做既煲仔飯,當然要耐心等待下佢,一個又一個咁經過,咁樣等真係辛苦,經過咁辛苦既時間兩個煲仔終於黎到,第一個係依個窩蛋牛肉飯,仲有生雞蛋既煲仔飯,正,好可惜佢一開始偷走左最重要既煲蓋,不過都唔5太影響既,好可惜就係無飯焦,不過就可以食哂所以飯咁,之後再加埋蛋落依個白飯到,成個變得比較軟滑,再少少豉油已經夠哂好食,牛肉碎粒有好香既牛肉鮮味,粒粒牛肉都幾有咬口, 雖然等得耐,但係值得既。