Le Three (Closed)

喺觀塘個新樓盤附近見到有條排隊人龍，好奇上前睇下，原來會錯意，啲人喺排緊隊搭小巴，不過就意外見到呢間光猛企理嘅西餐廳，於是入去食番個晚餐。呢度晚餐有六款選擇，我就揀左香辣柚子蕃茄鱈場蟹鉗意粉($148)，包埋是日餐湯同埋沙律，當然仲有一杯餐飲啦。好快趣微微暖嘅粟米忌廉湯就上枱，呢個温度嘅湯入口啱啱好，唔會太熱又唔會話凍曬咁。沙律喺一啲都唔簡單嘅煙三文魚沙律，裡面材料非常豐富，除左一般嘅沙律菜之外，仲有貴價羽衣甘藍呢！香辣柚子蕃茄鱈場蟹鉗意粉上枱時個presentation好吸引，原本以為只有兩隻蟹鉗，食食吓發現原來意粉𥚃面仲有另外兩隻蟹鉗，真喺材料十足，唔單止咁，啲意粉仲煮得乾身又彈牙，好啱我口味，味道真的不錯唷😋。