PizzaExpress (康怡廣場北座) (Closed)

每次約親朋友佢地都話食pizzaexpress，今次終於跟到佢地黎試食。店鋪既設計都比較西式，位置都比較多，所以我地都唔洗等位就有得食。幾個人食叫左三款pizza同埋卡邦尼意粉。等左一陣菜先上到，pizza好大份，而意粉就相對細份少少，如果肚餓既建議食pizza會好d。一望個餐牌有北京填鴨pizza就已經好想食，因為第一個上唔記得影佢，pizza上面既填鴨都有幾多舊下幾足料，填鴨配埋醬鹹鹹甜甜都幾特別幾好食，肉質都唔會話好硬啱啱好。pizzaexpress既薄餅特別之處在於佢個皮係薄脆type既，所以食落去都唔會話好滯好飽，反而覺得好香口，幾個人分都每人食都起碼兩舊好滿足。另外仲試左方形薄餅，同平時圓形既薄餅唔同樣好得意打卡必叫，味道都唔錯比較濃味。三個pizza整體黎講都好好食，自己最中意北京填鴨比較特別。而意粉就正常幾中意個質地唔會太硬或者太淋，但同朋友分每人唔係食到太多，下次再叫要叫兩碟先得！呢度既pizza款式多而且好食，價錢亦都唔算好貴，大家諗唔到食咩想食下薄餅西餐都推薦可以黎食下！