盛八日式燒肉放題店 (Closed)

我好少突登食牛肉，曾幾何時食過所謂神戶牛柳，簡直不知所謂，仲難食過普通牛肉，所以對所謂分級既牛肉沒有好感，但企0係旺角街食搵野食，睇下食評推介，只有這間比較有興趣，雖然係寫到明貴，但一於入去試下所謂高檔牛先！我地叫左牛胸腹，牛肋骨，A5級和牛，釀雞翼同炒飯一客，仲有一個海鮮併盤。和牛真係好好味！好食到不得了呀！或者我見識少，從未食過如此入口即融既牛肉，我終於知道和牛原來係唔同普通牛架！牛胸腹都好好味，但當然質感完全同和牛唔同的，有咬感一點，而牛肋骨就最普通，我諗牛肋骨可能搵邊隻牛食都差唔多卦！食唔出同其他鋪頭有乜分別。雞翼好味的！但可能真如之前好多食評咁講普通D，但都好香口好味，唔會難食的。至於炒飯好好味！可能好足料，真係好好味！海鮮拼盤都食得好開心，因為樣樣野都好新鮮，帶子好大粒！全部野都好味丫！不過當然啦！佢入面價錢唔平，冇可能俾垃圾人架嘛！所以佢既STANDARD絶唔低，但係咪叫高，可能見人見智，我個人就好滿意，可能我食得少牛肉專賣既地方，呢間係我目前為止食牛既首選推介！