鮨亭 (Closed)

終於喺屯門搵到一間價格相宜又好味嘅日式料理。因為喺屯門市中心已經覺得無嘢好食，決定同好朋友為食行到去置樂，行到彩華花園附近，呢樹有好多小店，睇見呢間門面唔錯嘅日式料理，決定入去一試。星期六晚上7點幾人客唔算多，所以一入去就有位。員工都好有禮及殷勤，呢個值得一讚。同朋友叫咗四道菜。四道菜都非常滿意，除咗食物質素好之外，賣相都係有心思，用膳其間員工仲好勤力加茶，呢個好難得。