深味餃子 (Moved) New Location

喺荃灣打完拳之後好肚餓想搵餃子店食，上網就搵到呢間就黎試下，餐廳裝修幾別緻，就咁睇唔似般餃子店setting, 沙發超級舒服好坐。我先點左小食櫻花蝦雞翼，雞翼賣相幾靚，表面佈滿櫻花蝦， 而雞翼本身係蜜糖雞翼，甜度好夠，每啖都食到蜜糖味，雞翼肉質嫩滑，熟度啱啱好，飲品方面我揀咗蘋果雪梨山楂水，非常滋潤，消滯排毒，男女都啱飲，主菜我點左湯餃雙拼，分別係雲耳椰菜同埋野菌豬肉餃，湯底味道較清但好潤，客人可以選擇沾辣油或者醋調味，餃子餡足料，特別野菌味好香。