金不換泰國餐廳 (Closed)

今日黎左金不換食飯，當然唔係自己一個,係朋友約既,一直都唔會點去荃灣,之前係銅鑼灣好似食過一次咁多多。 約左夜晚7點鐘，應該有訂到位,不過唔算太多人,有幾枱客,安安靜靜傾下計唔錯,不過左一陣就已經好多人喇。哈入到去就即刻揀左幾款野食，首先叫左一個大蝦沙津，唔錯，一試就試個辣辣地既大蝦,佢個肉質非常彈牙，唔似急凍,又無比個辣椒味搶到個鮮味，做得好好,又夠醒胃，前菜黎講真係唔錯,之後有一個飛天通菜,都係正正常常既味道喇,另外就叫左個甜酸蜜桃鴨，唔錯太差,因為個鴨切得太大件,同埋有少少硬，不過蜜桃同青椒就反而好重味,嬴左個主角。當然有冬蔭公喇,材料十足，辣度同酸度都岩岩好，雖然份量唔算多,不過都夠食,我自己就希望佢辣多少少。