吉利日本美食 (Closed)

今次朋友帶我黎到依到食夜光貝刺身,同壽司。食完最特別既夜光貝之後，朋友話依到既師傅會根據味道既先後黎上壽司,果然夠特別,首先係依個紅瓜子班壽司,佢地提醒我地唔洗點野食依個,因為已經有海鹽係面，所以唔洗點醬油會鮮味D同正D，色澤真係非常靚，當然係非常之新鮮，入口之後海鹽果然帶出佢個鮮味,我諗用醬油應該會取代左佢個鮮味。之後就係北海道牡丹蝦壽司,依個絕對係北海道產，唔會呃人！平時出面食未必係北海道產，色澤同埋頭都會同出面食既唔同，食落係唔同D既,服務都仲真係非常好,之後就係依個呑拿魚腩蓉壽司,色澤同脂肪既比例非常好，真係好食到無野好講既依個。之後就係火炙大呑拿魚腩壽司,依到既呑拿魚真係唔會差得去邊,最後就係比較重味D既九十九島蠔壽司,D蠔既味夠哂鮮甜，加埋依個梅汁做得非常之好，必食。