泰軒 (Closed)

今日去左食呢度,價錢黎講唔算太過份,聽聞LUNCH仲抵食,下次有機會先去試下。今次試左星期日既自助午餐,叫得自助餐,當然可以叫所以既野食同埋任叫任食, 仲有飲品都有得飲, 唔同既在於係係落單咁叫既,就唔係自己拎既,飲品都有幾款都十幾廿樣, 都真係抵食既, 最好既就係佢地都係全部即叫即做,唔會凍嫁,所以算係唔錯。 值得推介就係佢依個燒雞,燒得好正岩岩好, 皮又夠脆又香, 當然d肉夠哂滑, 而且係第一次食,所以好有新鮮感,好想番去食多次,至於海南雞飯就唔算太出色,不過雞份量就好足,唔會因為自助所以唔比你，不過味道就唔算太特別,正常水準,個汁都普普通通,唔算太特別。 不過自助餐黎講算係咁喇。不過聽朋友講依到好正宗, 食落都唔算幾好,燒雞真係得不過,下次番黎再試埋其他野。