太元樓

Open Now

Now Closed

太元樓，一間新開張既京滬菜餐館。今晚同朋友經過就入去試下！餐廳環境時尚乾淨，仲有大房可以一大班人食飯，岩哂過年過節啦！餐牌選擇多而且款款都好吸引！我叫左生煎包，即叫即煎，外層卜卜脆，中間香嫩肉汁豐富，麵包皮唔會太厚，吸哂肉汁！東北小雲吞，雲吞湯香甜，麵粉皮薄餡料豐富，豬肉份量又夠多！雲吞好似我細個食果陣味，好正！牛油津白，香甜津白菜甜新鮮，朋友大讚！招牌海鮮炒飯，豐富海鮮好足料，炒飯乾身唔油膩，咸香又夠惹味！黃金饅頭，炸到卜卜脆，外層金黃，沾上煉奶，香甜甜蜜，饅頭香軟唔會乾身！蔥爆牛肉是我地爭食菜式，爆香牛肉非常滋味，醬油濃香牛肉非常滑溜，加上大量京蔥爆香，香味突出！相信下次會帶一家人去試下啦！