居酒屋·姫 (Closed)

之前都同屋企人來過幾次，大家都好高評價，所以今日有外國朋友來香港，我當然都選擇帶佢哋一班來呢到威！尖沙咀站行過去好方便，不用10分鐘。結果大家都話好好味！呢晚我地叫做好多野，但我覺得有幾樣野要特別介紹一下：八代海苔茗荷吞拿魚腩卷呢個一上枱我已經覺得好得意，有別於一般卷物，呢個外面有d海苔粒粒，令人見到都覺得開心，同時都令口感更加突出。吞拿魚腩都好新鮮。羊T骨呢個燒得超好食，肉中間仲有少少粉紅色，肉質一流！調味都做得好好，超入味。厚切牛舌芯呢個厚度嘅牛舌芯真心好吸引！啖啖口感都好飽滿，而且每一件大小都差不多，每件都可以一口食完，豪華嘅享受！