靚煲皇 (Closed)

好味雞湯煲上星期天氣又涼，就去左旺角食胡椒豬肚雞，打個邊勞，飲個熱湯。胡椒豬肚雞，大煲，料都好多，應該有半隻雞。我地先飲下個湯，吾錯，胡椒香，小小辣，仲有好香雞味，味不濃但有粟米同紅蘿蔔一齊煲，帶有甜味。雞件煮熟都吾鞋，雞肉嫩滑夠新鮮，連雞皮食仲正。雪花肥牛，件數吾算多，但係級數都好，牛味濃，好味。流浮山鮮蠔，好多粒，大大粒，新鮮有蠔味。極上黑豚肉，厚切，有肥肉，所以豬味正，入口溶。黑松露墨魚丸，八粒手打丸，吾錯。最後當然要食返出前一丁，飽晒。