來來重慶雞煲 (Closed)

一個要OT的星期六，放工見餓餓地，黎左呢條食街都揾食，兜完一圈，決定試下呢間雞煲。以前未有咁多雞煲舖時，呢間野晚晚都排隊架，而加好似無以前咁墟冚，至少今晚唔使等即刻有位，雖然寫住食兩個鐘，但我地食左差唔多三個鐘都無比人趕。忘了收多少錢的前菜小食，超級鹹的花生，食左兩粒就放棄了。對面撘枱的小朋友食左半兜之多，不段叫口喝……食咁鹹真係對身體唔好架，尤其係小朋友。等左廿分鐘倒嘅雞煲，要左唔辣。芹菜好香好新鮮，雞嫩口，十分入味，秘制醬料鹹中帶甜，食後亦沒口喝，不錯。只要了半份，但雞嘅分量唔少，配料嘅洋蔥吸哂醬料同雞油，真係好鬼好味。雖然煲左好耐，但係啲雞肉無鞋，因為大部份都係雞肶肉。豬皮，好適合雞煲打邊爐嘅，越煲得耐越吸得多汁，好好味架。皇帝菜，一大盤上，十分新鮮，又係吸汁一流之物。冬菇，同樣新鮮，大大隻，肉爽。最後加多個烏冬，又係一大盤上，雖然食唔出係咩牌子，都幾彈口唔錯喎。好在唔係比真空包裝嗰種，嗰種有時食落去有酸味，怕怕呀。打邊爐途中，侍應不斷主動加湯，又幫手加茶，雖然有幾個啲廣東話好難聽得明，但都幾好服務啦。