Goobne Chicken (瓊華中心)

Open Now

Now Closed

近年好多以雞為主菜嘅餐廳出現，除左雞煲之外就一定要提及炸雞同烤雞。今日又係旺角搵食，知道Goobne開左一排而且成日都好爆等好耐，所以我又搵左啲early dinner嘅時段去朝下聖啦。打開個menu，第一個反應就係雞全部都係雞。嚟之前無睇過介紹，所以唔知原來佢有咁多款食法。今日就叫左隻辣味烤雞。雞係即叫即烤，好熱，雞皮烤得啱啱好，未點醬前都有微辣，肉唔會乾身。而且我欣賞佢係雞嘅每一個部分都有，真係成隻烤而唔係斬件求其執幾件落嚟做雞籃。另外佢仲有兩隻醬跟，喜歡點醬嘅朋友可以試下左手 邊呢個辣醬，幾夾。當然唔少得韓式前菜。另外我仲叫左芝士炒年糕，鐵板上，好熱，呢個要快食，如果唔係凍左啲芝士就jam住。仲有公仔麵底跟。我反而想推薦下個花瓶鮮果沙律。我本身就唔太喜好沙律，不過呢個沙律食落好清新，同平時食嘅一般沙律有啲唔同。另外加左啲類似米通嘅脆口野，唔錯。我地走個陣已經超多人，所以提提大家要早啲嚟。