LA FAMILLE

Open Now

Now Closed

一直以黎都係 lafamillecake 忠粉！收工時間又過左黎朗豪坊分店揀蛋糕。平日收工時間，大部分款式都已經俾客人搶光。上層為花漾巴伐利亞 超級少女！仙女療癒系甜點！下層為各款10cm戚風小蛋糕！買ge期間，人潮依然無減退。另外仲買左一件伯爵茶口味戚風蛋糕，茶味香濃，而且蛋糕體非常鬆軟。蛋糕包裝得非常精美安全，超適合打卡！白桃巴伐利亞淡紫色啫喱加上白桃粒、鮮果同食用乾花，味道酸酸甜甜似乳酸味，一道少女心爆發甜點每個蛋糕中間都注滿日本鮮忌廉，好味之外，顏值又高！ 望住小蛋糕，心情好愉快。香芒熱情果微酸熱情果加上香甜愛文芒，味道酸酸甜甜，超搭勁夏日。雙重朱古力朱古力味非常濃郁，蛋糕上仲有6粒朱古力脆脆，連埋鬆軟綿滑蛋糕一齊食，大滿足。意式香草奶凍除左每個戚風都有新鮮忌廉，呢個仲有香草味奶凍，層次豐富，甜而不膩。