順德公漁村河鮮酒家

Open Now

Now Closed

呢間係位於佐敦政府華員會的分店，附近有個廢置的籃球場可以用來泊車，然後可以由餐廳後門直穿入店鋪。據聞太子爺做埋大廚，手勢好得，所以我們專程來試。一行六人喺工作日來食晚餐，只見座位並未坐滿，但上菜速度唔快。先上川弓白芷天麻燉魚頭湯，夠味夠火候👍，真材實料。第二道抵贊菜係咕嚕肉，脆皮而唔會過甜，太子爺出來介紹係佢親手主理。第三道則是珍珠鯽魚煲，好大份，魚肉好滑，配上米線简直完美。第四道👍係双皮奶，雖然是微波爐番熱，但依然好香好滑。