順德公漁村河鮮酒家

Open Now

Now Closed

佐敦想食順德菜👅，朋友就帶咗我去順德公漁村河鮮酒家！順德菜我唔係好熟，但朋友大力推薦下就想嚟試一試！今次我同朋友就叫咗四個菜式:✅椒鹽鮮魷 ✅排骨蒸陳村粉 ✅芥蘭炒豬爽肉 ✅螺頭燉雞湯💯椒鹽鮮魷 椒鹽鮮魷真係夠晒鑊氣，而且都幾入味，椒鹽帶出到鮮魷嘅鮮味，鮮魷亦都非常之彈牙新鮮。💯排骨蒸陳村粉呢度嘅陳村粉真係特別好食，陳村粉非常之滑，加少少豉油落去就已經好好味，排骨食落啖啖肉！💯芥蘭炒豬爽肉咁多款菜入面最鍾意食芥蘭，芥蘭都好清甜，食完冇渣，唔錯！💯螺頭燉雞湯呢一碗雞湯真係好清甜，非常之濃郁嘅雞湯鮮味。

今日同朋友係華南會打完波有d肚餓，諗住睇下附近有咩好食🤭上網見到附近有間順德菜就嚟試下la😛一行五人行過嚟5分鐘就到la..肚仔餓餓就叫左4個餸😋子薑欖角啜魚咀 推薦指數:⭐️⭐️⭐️⭐️啜魚咀好滑，加左薑之後完全唔腥。欖角陣陣甘香味。西蘭花炒帶子王 推薦指數:⭐️⭐️⭐️⭐️⭐️呢道餸整得好靚。西蘭花夠新鮮，但最要讚既係個帶子，有帶子濃之餘仲非常滑溜溜。蜆蚧鯪魚球 推薦指數:⭐️⭐️⭐️⭐️⭐️鐘意食炸嘢一定要嗌😍外面脆卜卜，入面軟淋淋，仲有好香既魚味，送上黎個時熱辣辣好惹味😋辣親咀😆😆西芹焗魚卜 推薦指數:⭐️⭐️⭐️⭐️西芹👍🏻健康野，搭魚卜真係第一次食😁因為自己屋企完全唔識搞個魚卜。但呢度食落去真係正，仲要煲仔咁上真係好驚喜，超級惹味😋😋呢度既菜真係好特別，平時係出面食唔到。最重要係呢度既餸全部即時即整，所以全部拎上嚟個時都係熱辣辣好有火喉。雖然係咁，但等餸上黎都唔會太耐。想同朋友吹下水傾下計呢度好適合。因為大部分都係大枱。今次平日過嚟而且我無撞正食飯時間，walk-in 就有位la。建議如果自己嚟最好book定位la😙呢間嘢正呀😋會再有下次

前幾日同爸爸媽媽去左佐敦食飯，上OpenRice比佢哋揀揀想食咩餐廳，佢哋就揀咗呢間順德公漁村河鮮酒家食飯。呢到嘅菜式選擇都幾多，而且睇落都幾啱爸爸媽媽食。成家人都岩食嘅就係呢個芥蘭炒豬爽肉。芥蘭真係好爽脆，大大碟夠晒健康，配埋豬爽肉炒，肉質鮮嫩，簡單又好味！媽媽推介呢個天麻魚頭湯，佢話聽人講天麻魚頭湯功效好好，最岩舒緩頭痛，熱熱飲完的確幾舒服。爸爸私心叫左呢個蜆蚧鯪魚球，本身唔鍾意食魚嘅，我見到佢變咗做鯪魚球都試吓，點知一啖一粒又幾好食喎！整體嚟講，呢一間餐廳都幾啱我屋企人同我嘅口味，好食得黎價錢又唔貴，遲啲都會再同屋企人返嚟呢到食嘢。

今日同屋企人黎左呢度食飯，其實之前係因為有同事帶路過黎食過1次，試過唔錯，仲要九龍區有新鮮海鮮食就難上加難。呢度搭車都尚算方便，加上啲位夠闊落，所以坐得舒服唔使迫（依家都幾難搵，所以每次屋企聚會都有啲頭痛邊度食飯好）呢度嗌既餸都夠晒大碟。上次食完今次再嗌既有西芹焗魚卜同川麻魚頭湯。其實我本身唔好食魚卜，但呢度既魚卜係成功令我改觀左，個廚師整得唔腥之餘仲好好食，西芹爽脆，魚卜淋得黎之餘夠入味。但最最最正係個燉湯（諗起又想飲🤤）因為魚頭我覺得都幾難自己煲唔腥。呢度一拎上黎就睇到勁足料，而且成煲咁上，我同屋企人一人一碗飲完仲有淨（最後打包左返屋企繼續飲🤭），講真係九龍區好難搵到咁新鮮既海鮮食，坐得闊落之餘最緊要係可以慢慢坐，我地大大話話坐左成2個幾鐘都無催過。今次一共叫左7個餸，呢道既餸真係幾大碟所以食唔晒😅😅下次我會再黎呀，因為食左2次都未食晒佢地既菜式🤭

見到牆上面貼住好多獎項 。就知大廚一定有料到。 今次兩圍枱食飯。所以好豐富。食得好開心。蟲草花天嫲魚頭湯，燉湯超級足料，好夠火喉 。飲咗三大碗。順德家鄉煎釀三寶。 鯪魚球配蜆蚧，味道真係一絕。 最喜歡係蓮藕餅。蓮藕好香好爽。尖椒就太辣，我直接放棄了。一向唔係好鍾意食魚嘅我。竟然食咗好多味魚嘅餸都覺得好好食。首先一人一個魚頭 ‘’ 瓦罉煎焗魚嘴 ‘’蚊得好香好入味。我竟然食清光。蒜子生扣花錦鱔 ～～用砂鍋爆炒鱔球。鱔啖啖肉好厚身。配合蒜爆得好香。最正其實係塊魚皮。好厚。感覺好似好多骨膠原。第一次食薑葱蚊魚扣。估唔到完全冇腥味。仲要咁爽脆有口感。食左幾舊唔停口。順德豉汁釀鯪魚， 鯪魚肉都好彈牙。呢味冇特別。食一件試下就夠。金牌得獎銅盤蒸污糟雞。 雞肉好嫩滑好多汁。特色籠仔梅菜蒸菜心 ～～冇諗過梅菜蒸菜心。蒸出嚟個菜心會咁甜咁好食。掂啊。黃金糕有兩款：椰汁黃金糕同黑糖黃金糕 ，唔錯啊。唔係太甜又煙韌。黑糖比較好味。

最近睇YouTube介紹順德菜，好奇心下就特登去佐敦試吓。🙂‍↔️餐廳位置其實幾隔涉，要喺柯士甸站出，幸好穿過隧道後都好快到。😎⭕️順德首創極品魚皮 $68🐟魚皮極爽滑彈牙，香蔥全部爆香過，落咗少少Wasabi吊味，連埋調咗味嘅豉油，好好食。魚皮真係好大塊，彈牙得來既滑又唔會太腍，好有咬口，超正。係我食過最好食嘅魚皮。🥇⭕️金漆招牌大生翅（足二兩，每位計） $248而家去飲已經冇得食翅，今次見呢間話係招牌菜，就唔環保咁試一試啦。😬🙏🏻🙏🏻魚翅非常足料，啖啖翅，而且湯底濃郁，出色，而呢個價錢非常抵食。🫣（不過始終破壞生態，好口痕先食一次就算啦）😬🐟🐟🐟野生大桂花魚兩食（每兩$18 ）🐟🐟🐟職員推介呢款小菜，一魚兩食，果然唔錯。⭕️荷芹炒球條桂花魚都幾大條，啖啖肉，冇骨，好好口感。而且煎得好香，側邊睇都好厚肉，好好食。⭕️煎焗頭腩呢個主要係煎桂花魚頭，肉唔算多，但係有好多香蔥等配菜，焗得幾香，鍾意吮骨嘅會好喜歡。⭕️籠仔梅菜蒸菜心軟 $118菜心配合埋甜甜地嘅梅菜一齊蒸，菜式既保留到菜心本身嘅鮮甜味，又有少少梅菜香，而且冇乜油，健康又好食。

朋友從外國返來，諗住帶佢食下正宗粵菜。來到無乜人，大堂得兩張台。食順德菜少不了魚，加上點菜經理強烈推薦就點左條魚。重點來了，佢秤左條3斤半嘅魚，無諮詢過我地，就咁劏左。兩個人點食3斤半？而且佢都知我地點左比較多其他野。埋單就係條魚都差不多兩千蚊，睇唔出條河魚點解咁貴咯。其他兩個菜都有甩漏都懶得講了。失望咯，以為係大陸先會俾人先劏魚後秤重，估唔到今時今日香港都係咁。平時每個月都會去幫襯吓，以後都唔去啦。希望大家諗清楚先好去。

這間順德公由一年前第一天上班同事強力推薦，期待著這餐午飯足足一年。到了今天，我在這公司的最後一天終於連同推薦我食這店的同事去試了。入到去，很有舊式酒樓㮧格局，有一個位是有新鮮海鮮的，證明魚是新鮮啦，我很怕食不新鮮的魚，很腥。正確來說由細到大，直到現在都不喜歡食蒸魚。但經過了今次吃魚的經驗可能就改觀。魚是即蒸的，腥味不重，那些應該是鮮味吧。魚骨沒想像中多，挑好骨就可以啖啖肉，鼓油提升了魚的鮮味。梅菜亦很夾，餸飯一流。跟餐的飯都幾多，一啖飯一啖魚一啖梅菜很快就解決完。三個人，有職員優惠$295，人均$100，耐不時來一餐高質蒸已很滿足。幸運最後一天來試了。

今次lunch 得一個人，唔好意思坐底食就叫左外賣。侍應姐姐好熱情，一黎就叫我坐低慢慢睇。等外賣等左10分鐘仲主動幫我催單🌟-1️⃣手打鯪魚粥（特點，$42.8）鯪魚球是順德名菜，原來鯪魚粥都唔差。鯪魚球冇骨，調味唔錯。粥底係偏水既，亦唔係話好綿。但出奇地幾入口，仲有大量菜粒、薑絲同陳皮絲係粥到，食完岩岩好飽，都幾正。-2️⃣指定特製靚燒賣（特點，$42.8）係酒樓會食到既味👍🏻-後記：本身想食埋雙皮奶，可惜暫時冇🥺魚魚好大條，好可愛

朋友熱烈推介，話招呼好食物質素好，經朋友介紹，預先通知經理，滿懷希望去幫襯，點知食到一肚戲，忍唔住要喺呢度同大家分享，去唔去你自己衡量，我以後都唔會再去這些態度差菜館，當晚叫的菜式不是最便宜，也叫了最貴的魚吃，同客人去食飯，當晚約三成坐滿，叫了很普通的小菜，等了很久，不合理的等候時間，要求取消一個等了很久的小菜，價錢不算平宜，地點也比較難去，職員只會關心熟客，菜館的經理級，比說話客人聽，挖苦客人，態度極差！一套气離開，中伏！

而家要專做一味菜式既生意應該好難做，喺香港地越來越少正宗嘅菜館，以我所知「順德公」係家庭式打理，老闆，老闆娘，太子仔等人到再鋪入邊主理今次有幸跟我上司請黎食飯可以食到美味正宗既順德菜式😍😍多謝晒😛藍澳龍蝦刺身 啲肉好爽脆皮咕嚕肉堅係脆皮豆腐蒸帶子 👌🏻川芎白芷天麻魚頭湯拍蒜豉汁蒸魚（但我忘記咗係咩魚）我自己本身不是太好魚（尤其係河鮮魚），但係都可以整到好味，平時我只係會食一小舊魚片，但係當日我都食咗一大嚿魚腩🤣

富貴三太公食順德菜又點會少左蜆介鯪魚球，同d侍應姐姐傾計，就聽佢地推薦既呢個餸蜆介鯪魚球就做得幾好，咬落去好彈牙，炸藕盒都d窿都釀滿哂餡，一次過試哂手工菜!油鹽水蒸山坑鯇我第一次聽呢種魚，因為本身我好怕河鮮有陣泥味，本身都有少少猶豫，但好彩聽左介紹試! 食落好鮮甜，油鹽水唔會喧賓奪主不過本身條魚都幾多骨，如果本身怕多骨就要諗下啦天麻魚頭湯近排天氣好飄忽不定，成日頭痛，就試一試呢個湯啦一上枱就已經有好香好香既天麻味道，飲落好順喉舒服，睇落都好足料咁，唔太飲到味精既味道慢火翅湯浸滑雞件名乎其實既滑雞!勝瓜清爽，同雞件一樣都索哂個湯底既味道，就算食完偏濃味既餸都會飲得出湯底既清甜同原材料既味道

平時食開日韓美食，今次天氣轉冷，想飲下湯補下，平時屋企人下午飲茶又去開呢間酒樓，今次試下晚餐首先叫左順德公漁村最出名既河鮮，佢地既河鮮係經過檢查，絕對冇問題油鹽水蒸山坑鯇非常新鮮，食落去超滑，賣相都好靚再叫左個順德板煎釀三寶，其實佢個名堂叫（富貴三太公）配醬汁一流叫左個菜慢翅湯浸滑雞件節瓜浸雞好好食 味道剛剛好最後就係最期待既湯天麻魚頭湯超足料，超補、有雞腳，俾我飲鬼曬總結黎講新鮮又抵食，下次會再食

突然興致勃勃想吃順德菜加上我又好鍾意食魚所以就專程去到位於佐敦的「 順德公漁村河鮮酒家 」食正宗的順德菜在香港很少吃到這裏由河鮮至尊 魚料理之達人親自主理食完之後都覺得佢哋真係實至名歸呀職員招呼殷勤親切隨即開咗一壺茶同滾水俾我哋濕濕口餐牌實在太多食物選擇所以叫店員推介他們推介來到這裏必定要試試招牌魚及燉湯之外還有這裏的大良雙皮奶呢平時成日出街食好少飲到燉湯靚湯所以我哋就order咗宮廷御用的「 蟲草花鮮響螺頭燉老雞湯 」店員舀起湯渣還有我喜歡嘅雞腳仲有蟲草花當然不少得主角老雞飲落去藥材味道很濃郁飲完一碗湯隨即要追加再添實在太鮮甜了還很滋補呢！「 順德大鯪魚雕啄龍吐珠」這一款菜式是全國首創金牌得主採用原條鯇魚肉製成的鯪魚球一啲都唔腥就連我身邊朋友唔食鯪魚球都大贊而且鯪魚真的真的很大條魚肉很滑溜簡直就係鮮味十足「 簡易秘製鴛鴦咕嚕肉 」太子成名脆皮咕嚕肉原來大有來頭！食過全港嘅咕嚕肉最好食係呢間真的是很出色因為佢嘅醬汁酸酸甜甜恰到好處之外食落去竟然有外皮香脆咕嚕肉質鮮嫩嘅感覺這種口感及味道真的很難得「 懷舊大良炒鮮奶帶子蝦粒 」鮮奶控的我最鍾意佢嘅Creamy口感而且入面嘅餡料豐富帶子及蝦

家中老人家生日飯，諗住帶佢食特色餐廳，心儀呢一間。訂枱時特登備注訂一隻乳豬，並有問價錢盛惠$1000。黎到打開餐牌準備點菜，大部份價錢為時價，小菜選項只有10款八款而已。來到魚缸揀河鮮，只有幾款淡水魚，一款澳洲龍蝦，和一隻蟹😓詢問部長想要食蝦,回覆是沒有蝦，只有一款龍蝦，18xx 一隻，已經知道價錢要有心理準備俾人劏，但一行12人，都知道點都要俾佢劏一下，揀咗條魚，開頭同我講$1x 一兩，撈起上嚟，話齊頭收$800，可以做兩味。其實成間野廚房部煮嘢食係好食嘅，但係買單就知賴嘢！乳豬收我1280（未計佢嘅加一）條魚收我1000🥶🥶..同個經理講，就好唔情願減返200俾我條魚，但隻乳豬就費事同佢坳數🥶🥶唔會再有下次