華御結

Open Now

Now Closed

今朝返工睇手機，看見有營養師推介呢間飯團店的飯團，所以心血來潮想食飯團，在地鐵上立即搜尋九龍灣有冇呢間店，點知俾我搵到正正在地鐵站入面，一落車就可以走去買，看見店舖的飯團林瑯滿目，都不知選邊樣好，後來我選了一件八月限定的帆立貝木耳絲飯團，珍寶系列的照燒三文魚扒配明太子沙律和新發現的櫻花蝦醬油拌飯。珍寶系列的照燒三文魚扒配明太子沙律，入面有一大塊三文魚扒，魚扒都算好厚，好重三文魚味，加上明太子沙律醬汁，有微微的辣味，飯粒都好軟熟，本來都幾好食，但最失敗係佢將紫菜同個飯一齊包裝，個紫菜腍晒，一點都不脆，打晒折扣！另一款係八月限定的帆立貝木耳絲飯團，呢個就好好多，紫菜和飯團分開包，這樣紫菜保留新鮮脆口，飯都好軟綿，入面有原粒帆立貝，唔算好大粒，但都唔會好細粒，入面仲有木耳絲，木耳絲加埋入面的醬汁同埋帆立貝一齊食，個味道又真係幾唔錯！食到帆立貝的鮮味，又食到木耳的爽口，正！最後係新發現的櫻花蝦醬油拌飯，拆袋後已經聞到醬油同櫻花蝦的香味，櫻花蝦份量適中，每一啖都食到櫻花蝦的味道，醬油調落飯入面，味道恰度好處，一點都不會搶走飯同蝦的味道，但又帶有淡淡醬油味，絕！今次試住咁多先，可以再試其他味道！