天園餃子 (華發大廈) (Closed)

今日去咗旺角約咗媽媽食lunch ，通菜街又好多食店。不過因為lunch time ，所以間間都幾多人。但係見到新開咗一個店食餃子，可能因為新開所以唔太多人，又係良心店，佢外面賣同路人嘅產品，所以一於幫襯佢。我哋嗌左一個韭菜豬肉餃麵同埋一個西洋菜豬肉餃麵再加一個椒鹽脆豆腐。佢啲餃子都幾好味😋都好大粒，佢嘅皮係用雲吞皮做嘅，所以都好簿唔會食到成舊粉。而佢嘅麵係上海麵嚟嘅，不過我覺得唔夠湯同埋略嫌硬身咗啲丶唔太熟。佢嘅椒鹽脆豆腐好好味丶脆卜卜，啲椒鹽好好味👍🏻。另外，佢有一盒辣醬放檯，d辣醬好好味，一定要落！