北京水餃店 (Changed Hand) New Restaurant

一向以都喜歡食餃子，記得小時候家中自製水餃，閒閒地食三十多四十隻。但講到出街食，好多時都搵唔到好味o既水餃店。 聽聞呢間店已經好耐，終於至的起心肝去試一試。 舖頭幾細間，坐位唔算好舒服。但招呼唔錯，起初人太多，要坐圓，後有卡位就馬上幫我地換。叫一個淨水餃、一個雲吞麵、牛肉餅同豆漿。豆漿最先到，淡淡豆香，加上滑滑口感，唔錯。不過唔似係自家製！？牛肉餅熱辣辣送到，肉汁豐富但有少少偏咸，而且都幾肥膩，倆個人食一件就夠啦。水餃皮唔薄，但出奇地滑。餡料足而且味道濃郁！正！雲吞同樣好味，不過味道其實幾相似。麵反而ok 。