鬍鬚仔 (Closed)

屋企附近一間食burger嘅小店，平時行過都見好多人排隊，今日見有空位就入去試下佢🥰佢哋應該係即叫即整，不過上菜速度都算快👍等15分鐘左右都到齊。叫咗加勒比海牛堡同至尊牛堡，約50蚊多少少。兩個漢堡好冇分別唔大，主要係有冇菠蘿同雞蛋嘅分別，佢哋嘅主角都係4安士嘅紐西蘭漢堡扒，唔會煎到乾曬，保留肉汁😋肉香味足夠。佢哋嘅漢堡包皮都會煎過，所以有外脆內軟嘅感覺，口感非常好。另外加20蚊左右可以有個套餐，包括一款小食同餐湯。當日嘅餐湯係忌廉湯，入口creamy，味道夠濃郁，非常值得一試🤗小食有粗薯條，正正常常。個人最喜歡蒜蓉包，蒜味夠香濃，而且夠脆❤️係我平時鍾意食嘅味道。另外叫咗鹹蛋黃雞翼，炸雞嘅上面淋上勁多咸蛋黃醬，睇到都覺得好邪惡😆食落味道喺好食嘅，不過其實食一兩隻已經開始覺得膩，真係少食多滋味。