鬍鬚仔 (Closed)

我從來冇寫過食評，但尼間真係忍唔住要講。夜晚收工後，麥當勞都收左，而且好難食，所以會去街市入面有個小型美食廣場買嘢食，尼間算新開，諗住試下，點知價錢經濟實惠，又真係好食，所以好值得推介。老公最愛至尊牛堡，塊牛夠厚，醬汁夠多，有煎蛋+煙肉，食完好滿足😋套裝可選洋蔥圈；我食過櫻花蝦魚堡，魚柳炸得好脆，有他他醬，最有誠意個麵包唔係麥當勞那種嘉頓麵包，而且有塗牛油再烘過👍🏻每次即整等15mins左右，但真係值得，真心推薦。