Video
Read full review
2011-10-14
63 views
因乜解究新興棧啲粥貴咗咁多,上年年尾都仲係廿零蚊碗粥,今年升到去35蚊搭多條油炸鬼成五草嘢咁濟,夠我去太興食燒味飯.魚卜粥沒有了,不過都無所謂,魚卜放粥不嬲都唔係太好食,啲卜唔點胡椒粉豉油更加有啲難入口添.新興棧最正幾時都係佢哋啲魚骹.點了一碗魚骹牛肉粥.碗粥嚟到啲骹照舊大舊到撐哂出碗外,選魚骹係貪佢郁動多,啲魚肉又滑又結實.無魚腩咁腥同埋有泥味,亦無乜細骨.嫌齋食魚粥單調,所以併了牛肉,新興棧的牛肉醃得剛剛好,又嫩又有肉味,一流!最重要嗰粥底永遠稀杰適中(其實算偏稀),米花爆開,綿滑又有米香.調味較得亦好,味精一定有,呢點唔駛詏,成大支味精水楝係灶頭.唔想食味精可以試吓叫佢唔落,我就無試過嘞.其實唔怕骨的話新興棧個魚雲粥又係好正,魚味係超級特濃.唔信的話大可以點一碗魚雲粥,一碗魚腩粥,每碗試一啖就即刻知個分別係邊.順便推介埋粉腸,我唔併牛肉的時候多數都係併粉腸,又淋又粉,點少少豉油食又係超正.新興棧,永遠係我九龍食粥嘅首選
搭多條油炸鬼成五草嘢咁濟,夠我去太興食燒味飯.
魚卜粥沒有了,不過都無所謂,魚卜放粥不嬲都唔係太好食,啲卜唔點胡椒粉豉油更加有啲難入口添.
新興棧最正幾時都係佢哋啲魚骹.點了一碗魚骹牛肉粥.
碗粥嚟到啲骹照舊大舊到撐哂出碗外,選魚骹係貪佢郁動多,啲魚肉又滑又結實.無魚腩咁腥同埋有泥味,亦無乜細骨.
嫌齋食魚粥單調,所以併了牛肉,新興棧的牛肉醃得剛剛好,又嫩又有肉味,一流!
最重要嗰粥底永遠稀杰適中(其實算偏稀),米花爆開,綿滑又有米香.
調味較得亦好,味精一定有,呢點唔駛詏,成大支味精水楝係灶頭.唔想食味精可以試吓叫佢唔落,我就無試過嘞.
其實唔怕骨的話新興棧個魚雲粥又係好正,魚味係超級特濃.
唔信的話大可以點一碗魚雲粥,一碗魚腩粥,每碗試一啖就即刻知個分別係邊.
順便推介埋粉腸,我唔併牛肉的時候多數都係併粉腸,又淋又粉,點少少豉油食又係超正.
新興棧,永遠係我九龍食粥嘅首選
Post