Video
Read full review
2018-01-04
60 views
記得之前係尖沙咀已經食過呢間餐廳, 而且記得質素都唔錯, 食物都幾好味. 最近發現原來佢地係黃埔開左分店, 而剛好去開果邊, 所以同朋友仔就選擇再次去幫襯下~ 純日本白燒鰻魚定食 蒲燒鰻魚食得多啦, 難得見到有 “白燒鰻魚”, 當然要試下啦. 叫得 “白燒”嘅, 當然就係冇咩加調味料啦. 白色一片燒鰻魚, 表層有微微燒焦的金黃色, 口感外香內軟, 火喉剛剛好. 而味道就係一個字 “鮮”! 另外還配上 芥末醬油, 海鹽, 柚子醬油 & 蒲燒鰻魚醬汁 4 款調味料, 自己可以作配搭. 各有各唔同風味. 而我就比較喜歡 “柚子醬油”, 既增加味道又帶有柚子清新. 而配鰻魚嘅飯係用左新潟米煮，飯粒飽滿圓碌碌，食落少少煙韌。 迷你三彩定食 三彩係指 鰻魚飯, 吞拿魚魚生飯 & 海藻鳥冬 各一碗. 雖然標榜係“迷你”, 但查實份量一啲都唔 “迷你”. 飯碗係平時大家一般屋企用的飯碗SIZE, 所以係足足有 兩碗飯 加 一碗烏冬, 對女仔黎講, 份量真係足夠有餘. 先食口味較清淡的 吞拿魚魚生飯: 粉紅色的吞拿魚魚肉打碎後鋪上飯面, 單看外表係雖然冇鰻魚飯咁吸引, 但食落又真係
最近發現原來佢地係黃埔開左分店, 而剛好去開果邊, 所以同朋友仔就選擇再次去幫襯下~
純日本白燒鰻魚定食蒲燒鰻魚食得多啦, 難得見到有 “白燒鰻魚”, 當然要試下啦. 叫得 “白燒”嘅, 當然就係冇咩加調味料啦.
白色一片燒鰻魚, 表層有微微燒焦的金黃色, 口感外香內軟, 火喉剛剛好. 而味道就係一個字 “鮮”!
另外還配上 芥末醬油, 海鹽, 柚子醬油 & 蒲燒鰻魚醬汁 4 款調味料, 自己可以作配搭. 各有各唔同風味.
而我就比較喜歡 “柚子醬油”, 既增加味道又帶有柚子清新.
而配鰻魚嘅飯係用左新潟米煮，飯粒飽滿圓碌碌，食落少少煙韌。
迷你三彩定食三彩係指 鰻魚飯, 吞拿魚魚生飯 & 海藻鳥冬 各一碗. 雖然標榜係“迷你”, 但查實份量一啲都唔 “迷你”.
飯碗係平時大家一般屋企用的飯碗SIZE, 所以係足足有 兩碗飯 加 一碗烏冬, 對女仔黎講, 份量真係足夠有餘.
先食口味較清淡的 吞拿魚魚生飯:粉紅色的吞拿魚魚肉打碎後鋪上飯面, 單看外表係雖然冇鰻魚飯咁吸引, 但食落又真係唔差喎! 打碎後吞拿魚魚肉入口即溶, 有淡淡的甘香鮮味, 食落完全唔覺得有血味同魚腥味. 配飯時撒上少少味粉 或者 醬油, 味道更加豐富多層次, 冇咁單調.
跟住係惹味 鰻魚飯:鰻魚非常厚身軟腍, 而且魚皮的位置膠質好重，食落有漿口的感覺. 鰻魚整體感覺就係“肥美”! 再加埋外層香濃惹味嘅蒲燒汁, 餸飯一流!
最後係兩款套餐都有嘅招牌海藻鳥冬,鳥冬係特別加左海藻整，所以口感較一般市面上的鳥冬彈牙同健康。
而且配上簡單清甜的鰹魚湯底，感覺 清爽.
沙律加左醋嘅沙律酸咪咪, 爽脆又開胃;
餐飲 清香錫蘭紅茶 配 甜品抹茶小卷 都幾夾.
抹茶卷食落只有淡淡抹茶清新味, 冇苦澀的感覺，口感鬆軟，而且甜度剛剛好；另外, 飯後甜品我地叫左個 “日本草莓班戟”
外型真係滿分, 十分吸睛! 班戟都幾厚身, 口感好鬆軟, 仲有蛋香味. 配上周邊嘅草莓醬, 又香又甜~~除左主角 “班戟”, 配角 “雲呢嗱雪糕球” & 雞蛋布甸都唔差. 前者口感細滑, 入口即溶; 後者就滑嘟嘟~
Post
