名代宇奈備長炭燒鰻魚飯專門店 (東港城) (Closed)

今日午餐係東港城行左陣，經過名代宇奈備長炭燒鰻魚飯專門店，我同男朋友都冇食過，就決定入去試下新野。入面座位唔多，餐牌主要以鰻魚為主，都有照燒雞，牛肉，烏冬，小食。第一次黎梗係食佢主打既鰻魚飯啦，我地一個叫雙層鰻魚丼，一個叫鰻魚釜飯。雙層鰻魚丼包一碗麵豉湯同醃青瓜。麵豉湯好日式，夠濃味，好味。醃青瓜酸酸鹹鹹。雙層鰻魚丼既鰻魚份量足，鰻魚好肥美，又冇骨，加埋照燒汁，好多食。照燒汁撈飯都好夾，白飯我地仲免費加大左。鰻魚釜飯上枱後要等二十分鐘，由生米煮成熟飯。鰻魚份量得好少，味道清d, 冇甘肥美。釜飯既邊邊全部係飯焦，鍾意飯焦既人會好開心。