咖啡弄 (Closed)

咖啡弄黎過5-6次了，頭幾次都係星期六、日去，終於今次平日去，唔洗等位，入坐前姐姐又冇話限時（但其實差不多時間就會比張單你🤣）。同埋每人要叫一杯飲品。每次都叫鮮果茶，唔想飲奶類，因為驚會好飽，但次次都飲呢個有D悶，睇吓下次會唔會改變主意試其他😊。鮮果茶入面有好多生果，橙、蘋果、大量passion fruit 、青檸、話梅、最特別有一片醃製過嘅菠蘿乾。一小jar 上，個細杯入面有粒新鮮檸檬冰！鹽酥雞係每次黎都要叫嘅，即炸，外脆內軟，配埋蒜同金不換一起吃，真係好夾，好好味！呢個係MUST 點！叫左一個燻雞肉三文治今日食時覺得塊面包有D奇怪，睇返D相，原來今日塊面包冇烘到金黃，好似快烘咁🤣 仲有塊方包好多好大嘅洞，塊面包今日差左小小，但內餡依然好美，雞扒甜甜地，同蕃茄及青瓜一齊食好味。 仲有蛋沙律在碟傍，我會將佢放入面包一齊食🤣另外仲有幾塊青瓜同生菜，上面個一小匙千島醬，好好好味！！