Video
Read full review
2020-01-13
315 views
因為好耐冇食泰菜, 今日同兩個朋友專登約黎喱度試吓。 預先上 openrice 訂左 3 位 7pm, 我同友人 未到 7pm 就去到, 唔使等, 但啲枱已經坐滿咗大半。餐廳喺 1/F, 要行樓梯上一層。 我哋被安排坐喺窗邊卡位, 坐得好鬆動同舒服。我地坐低左, 因為唔知碟頭有幾大, 唔敢叫太多, 所以點咗 5 樣嘢 share 食, 有生蝦、 無骨鳳爪、 泰式炒通菜、 鮮蝦炒金邊粉同埋香芒蟹肉炒飯。等左大約 10 分鐘左右, 第一樣嚟到嘅竟然係泰式炒通菜 😱 見到其他比我哋遲落柯打嘅枱, 生蝦同無骨鳳爪已經到咗, 我哋知道應該係漏咗單, 就請侍應幫我哋跟進, 不到 2 分鐘, 生蝦同無骨鳳爪都到咗。首先講吓個生蝦, 有蝦嘅鮮味, 而且爽口, 好味, 但友人就覺得蝦肉唔夠厚身, 我就覺得好好味, 好新鮮 😋; 而醬汁方面, 因為唔想破壞蝦原有嘅鮮味, 所以冇點嚟食。到無骨鳳爪, 醬汁有些少青檸清香同少少魚露嘅咸香味, 仲辣辣哋, 好醒胃, 而且質地爽彈, 但有啲位置有少少筋, 有啲硬, 但整體味道唔錯。至於泰式炒通菜, 見到有泰式咸魚粒喺入面, 都幾大嚿吓, 唔係砌到碎晒見唔到嗰啲咁,
我地坐低左, 因為唔知碟頭有幾大, 唔敢叫太多, 所以點咗 5 樣嘢 share 食, 有生蝦、 無骨鳳爪、 泰式炒通菜、 鮮蝦炒金邊粉同埋香芒蟹肉炒飯。
等左大約 10 分鐘左右, 第一樣嚟到嘅竟然係泰式炒通菜 😱 見到其他比我哋遲落柯打嘅枱, 生蝦同無骨鳳爪已經到咗, 我哋知道應該係漏咗單, 就請侍應幫我哋跟進, 不到 2 分鐘, 生蝦同無骨鳳爪都到咗。
首先講吓個生蝦, 有蝦嘅鮮味, 而且爽口, 好味, 但友人就覺得蝦肉唔夠厚身, 我就覺得好好味, 好新鮮 😋; 而醬汁方面, 因為唔想破壞蝦原有嘅鮮味, 所以冇點嚟食。
生蝦
1 views
0 likes
0 comments
到無骨鳳爪, 醬汁有些少青檸清香同少少魚露嘅咸香味, 仲辣辣哋, 好醒胃, 而且質地爽彈, 但有啲位置有少少筋, 有啲硬, 但整體味道唔錯。
無骨鳳爪
4 views
0 likes
0 comments
至於泰式炒通菜, 見到有泰式咸魚粒喺入面, 都幾大嚿吓, 唔係砌到碎晒見唔到嗰啲咁, 所以都有啲咸魚嘅香味, 仲有啲甜甜哋, 份量亦唔細, 3 個人再加其他嘢食真係幾飽吓。喱個時候已經坐無虚席。
泰式炒通菜
11 views
0 likes
0 comments
再嚟就係鮮蝦炒金邊粉, 喱個係咁多樣嘢之中我覺得最好味嘅。 喱個炒金邊粉上面有一隻用炸粉包住嘅鮮蝦, 但由於友人食咗, 所以唔知味道如何, 但金邊粉入面亦有不少蝦, 啲蝦肉爽口, 配埋酸酸甜甜炒得有鑊氣嘅金邊粉, 真係好開胃又惹味。
鮮蝦炒金邊粉
24 views
0 likes
0 comments
食緊嘢嘅時候, 連最後一道香芒蟹肉炒飯都到埋, 蟹肉混喺炒飯入面, 有蟹鮮味, 而且食到好似有沙同蟹殼碎咁, 令我覺得係鮮蟹肉 (雖然唔知係咪 🤪), 而芒果方面, 全部芒果甜酸度適中, 而且好香芒果味, 配合埋啲蟹肉, 酸甜鮮配搭令成個炒飯好清爽。
香芒蟹肉炒飯
28 views
0 likes
0 comments
總括嚟講, 今次食嘅泰國菜味道不錯, 而且環境舒適又唔迫, 一入到餐廳, 燈光昏暗, 面積都算大, 而且今日天氣有啲涼, 有啲風喺窗邊吹入嚟, 一邊享受住美食, 一邊同朋友傾計閒談, 有啲似落咗 bar 咁, 好 relax, 係一個不錯嘅朋友飯聚地點。
Post
