吉利尼 (Closed)

屯門區VCITY 開TOAST BOX, 安定就有KILLNEY, 前者地點人流多, 有套餐價, 明顯好受歡迎。首次試安定KILLNEY 係星期六晚上, 坐了近兩個小時全店都只得小貓三四隻, 但去廁所見後面間夏麵館就排哂隊, 晚市無生意, 好大原因係晚飯食物選擇少同價錢貴(因沒有套餐), 普通叫個飯加杯野飲都要70元, TST或者OK, 但如果係安定, 食既都係街坊, 70會有更多更好既選擇，建議可學習TOAST BOX 咁50元有飯食有野飲, 應該會生意好D。講返食物, 我和朋友點了喇沙, 咖哩雞飯, KAYA 多士, 青檸梳打及美祿恐龍, 所有野都OK 除左個咖喱雞飯, D 汁好味但D雞好雪味同唔入味, 呢樣係幾失望, 因為晚餐已經少選擇, 如果仲唔係拿手既話, 仲邊有回頭客?至於美祿恐龍同喇沙都整得好味過TOAST BOX。