4號烤吧 (Closed)

4號烤吧堅尼地城卑路乍街116-122號聯康新樓1樓A室今日同朋友過呢邊做gym，四圍行下飲下食下，hea下又到食晚餐時間，之前聽過朋友介紹過呢間食店，就一於試下，果然係唔錯，烤魚、雞煲、火鍋、串燒，乜都有得食，夜晚九點後仲要係酒吧模式，燈光調暗啲又有音樂同店員同你玩，氣氛唁錯肥腸麻辣雞煲 $168超抵食雞煲，呢個仲要有肥腸，雞件大大舊，又滑又嫩，腸同雞份量超多，食極都有。唔可以睇小個辣，我揀咗中辣，又麻又香，好多汁添。越食越辣，好過癮避風塘脆骨腩 $78避風塘口味一向都好惹味，呢度整個小食都完全有呢個水準，骨腩唔會炸到乾身，咬落又脆又有魚汁，送酒一流皮蛋豆腐肉鬆 $42超大份量，豆腐滑到sir入喉嚨，有少量芥辣，又幾夾喎。皮蛋係溏心，個pat嘢好濃好正。灑上面嘅肉鬆有種脆嘅感覺，一口有齊三樣嘢，係多重口感，唔錯胡麻冰鎮秋葵 $38呢個啱哂鐘意食秋葵嘅愛好人士，因為呢度嘅秋葵夠哂多汁，每咬一口都好爽脆，咇哂啲滑潺潺出嚟，夠哂juice，配埋小小麻醬就更加好味燒韭菜 $20串燒中必吃菜式，味粉夠哂惹味，韭菜又唔會燒到乾哂。唯一唔好係食完攝牙罅，要準備好牙線燒菠蘿 $18鐘意食生果嘅我，菠