十二味 (青衣城2)

Open Now

Now Closed

至今都覺得十二味去食過麻辣香鍋最好食嘅地方，尤其係加咗椰菜花同埋豬腩肉，啲材料吸收晒成個鍋的香味，十分之惹味，令人食慾大增。份量來講，都相當滿足，除咗麻辣香鍋之外，我哋仲嗌咗一個乾煸肥腸。雖然都非常之香口，味道亦都唔差，但比起上嚟自己會更加鍾意加入麻辣香鍋嘅肥腸，因為乾煸肥腸係炸過嘅，所以會比較乾身同埋脆少少，咬落冇咁有滿足感。加入乾鍋嗰啲肥腸會彈牙好多。唯一覺得可以改進嘅係白飯嘅份量可以多番少少，因為啲菜式都真係好好送飯，所以每一次都會食好多飯。