包餃店 (Closed)

你講得出嘅香港小吃喺呢邊差下多都揾到，選擇好多，攪到我呢種有選擇困難嘅人好難揀。老板見我心大心細，十五十六，就好好人推介我生菜鯪魚肉湯同雞蛋仔。我個仔一早好爽快話要手抓餅加蛋加芝士。好耐冇食過生菜鯪魚肉湯，好味，鯪魚肉食得出好新鮮，好彈牙，鲜味夠。雞蛋仔好扎實，唔會好似嗰啲偷工減料得個殼，食完好飽下。個手抓餅份量嚇我一跳，好厚，熱辣辣好好味，十幾蚊，抵！又有營養，好過買一陣風又多化學野嘅麵包。