靠得住粥麵小館 (Closed)

今日星期日，3/9/17, 今日同仔女三人一齊食晏，我個女一早就話要食粥，所以我地就選定了去靠得住食粥品試下佢，因為自佢裝修好這個孖舖位(點心瑪莉執左後，佢要埋呢個舖位) 後，未曾黎過食。去到好多人等位，要排隊，等左20 分鐘倒先可以入座，都可以接受，始終係星期日，會多人。裝修後地方好大，夠光猛，有30-40 張枱架，好多卡位，坐得好舒服。我地分別叫了套餐：1. 狀元及第粥+招牌鹹肉糭 $66及第粥緊係有豬潤，豬腰，豬肚，粉腸及肉丸，各2片及2 粒，好足料，好爽口彈牙，同埋d豬腰無噏味架~另外招牌鹹肉糭就一般，有一小舊肥肉及蛋黃，都ok2. 鮮味雞粥+腸粉 $54雞粥都有4,5 舊，都好鮮味腸粉就都係一般野，都好食架3. 和味豬手菜飯$48 + $3~ 凍柚子蜜，有碟小菜脯跟埋。豬手都夠淋，好有口感，賣相都好靚，好味，d菜飯得一碗份量，大食d都唔夠飽但d飯好好味，內裡有生蒜香味，碎菜都好多，足料好好食，凍柚子蜜都唔錯喎~真係好味，都叫低食，我會再去架，* 每位茶錢$3, 無茶簡架，黎親就係蘋果紅茶茶包一壺，要收加一服務費架。