嚐•湯雞

Open Now

Now Closed

平時食開重口味重咸重辣，最近天氣轉熱就想食清啲，上網睇人介紹呢間雞湯麵新開就試下。叫左個砂鍋花膠雞鮑翅配淮山麵同 砂鍋雞湯翅配粉絲！ 送上枱熱辣辣， 兩大個煲都滿料同大兜粉麵！湯 ——濃甜，有少少花膠既「漲」咀 ， 撈起麵底有幾塊金華火腿，咸清香，有4大塊花膠 魚翅細切都有十塊八塊， 再食埋兩個鮑魚配埋佢自家製麻辣醬、一流！飲埋湯再食晒啲料已飽一大半， 淨低少少麵。建議唔好叫飲品，純飲湯已夠。下次會再幫襯 試埋佢麻辣小食！食左佢麻辣醬已見功夫，其他麻辣野唔會差去邊。