鳴越越式料理

Open Now

Now Closed

今日收左工約左友人係上環搵食，比我發現左呢間餐廳，係上環黎講非常之抵食，而且質素都好好，絕對值得一試。環境裝修都唔錯，而且有好多藝術畫做擺設，好有文青feel，最岩黎打卡。首先我叫左個蝦頭海鮮炒飯，有好多海鮮，有帶子，蝦，青口，蟹柳等等，非常大份量。而且重好好味，啲飯炒到一粒粒金香，賣相已經好吸引，食落去真係好有驚喜。之後我叫左杯凍奶茶，好重奶香味，係我最鐘意個種味道，真係好好飲，同普通茶餐廳味道有啲唔同，呢道既奶香好多。友人就叫左個越式海鮮炒銀邊粉，炒到金黃色，好有鑊氣而不油膩，啲銀邊粉炒到好乾身，非常彈牙可口，口感一流。友人叫左杯椰汁紅豆冰，放勁多奶，好滑好香既椰汁溶係紅豆當中，真係特級享受。交通非常方便，地鐵，巴士，電車都可到，而且係中上環黎講真係好抵食，識食一定要黎試下。